پنجاب حکومت نے اسکولز کی چھٹیاں بڑھانے کا فیصلہ تبدیل کر دیا۔
محکمہ تعلیم پنجاب کےمطابق نویں،دسویں جماعت کے طلبا کیلئےاسکولز 18 اگست سے کھلیں گے،جبکہ او لیولز، اے لیولز اور انٹرمیڈیٹ کی کلاسز بھی 18 اگست سے شروع ہوں گی۔
یہ بھی پڑھیں؛ تعطیلات کے دوران اسکول کھولنے پر متعدد نجی تعلیمی اداروں کو نوٹس جاری
اس کےعلاوہ انٹرمیڈیٹ کی کلاسزکا آغاز بھی 18 اگست سے ہوگا،پہلی سے آٹھویں جماعت تک کلاسز یکم ستمبر سے شروع ہوں گی،فیصلے کا اطلاق نجی وسرکاری تعلیمی اداروں پرہوگا،وزیرتعلیم رانا سکندر حیات کا کہنا ہےکہ فیصلے میں تبدیلی تعلیمی ماہرین سے مشاورت کے بعد کی۔
واضح رہے کہ محکمہ تعلیم پنجاب نے جمعرات کو اسکولوں میں موسم گرما کی چھٹیوں میں اضافے کا اعلان کیا تھا،وزیرتعلیم رانا سکندر حیات نے کہا کہ پنجاب بھر میں تمام اسکول اب یکم ستمبر کو کھلیں گے۔ اس سے قبل پنجاب کے اسکولوں میں موسم گرما کی تعطیلات 14 اگست تک رکھی گئی تھیں۔
