خاتون اول آصفہ بھٹوزرداری نے کہاہے کہ چھاتی کے کینسر سے نمٹنے کیلئے ہر شعبے کو مل کر اپنا کردار ادا کرنا ہو گا، ہر 9 میں سے ایک پاکستانی خاتون کو خطرہ لاحق ہے۔
اسلام آباد میں آصفہ بھٹوزرداری سے پنک ربن پاکستان کے بانی عمر آفتاب نے ملاقات کی ۔ خاتون اول نے کہا پاکستان میں خواتین میں سب سے عام کینسر ہے، ہر نو میں سے ایک پاکستانی خاتون کو خطرہ لاحق ہے، آصفہ بھٹوزرداری نے کہا چھاتی کے کینسر کا تاخیر سے پتہ لگنے سے سالانہ ہزاروں جانیں ضائع ہو جاتی ہیں، ہرخاتون کی بروقت اسکریننگ،تشخیص اور علاج تک رسائی ہونی چاہیے۔ ضروری طبی سہولیات کو دیہی علاقوں تک پھیلانے پر زور دیتے ہوئے خاتون اول نےپنک ربن پاکستان کی آگاہی اور اسکریننگ کے اقدامات کو سراہا اور ملک کےپہلےبریسٹ کینسراسپتال کےقیام کی کوششوں کی تعریف بھی کی ۔
