تحریک انصاف کے جنرل سیکریٹری سلمان اکرم راجا کا کہنا ہے کہ اگست کے پروگرام کو ہم احتجاج کا نام نہیں دے رہے،ہمارے لوگ پاکستان کی آزادی کے جشن میں باہر نکلیں گے، ہم سمجھتے ہیں پاکستان میں اب وہ حالات نہیں جو قائد اعظم کا خواب تھا۔
ان کا کہنا ہے کہ ہمارے کارکنان پاکستان،بانی پی ٹی آئی سےوابستگی کا اظہارکریں گے، ہمیں وہ سیاسی آزادیاں حاصل نہیں جوآئین میں درج ہیں، ہم 14 اگست کو تمام قسم کی آزادیوں کیلئے آواز بلند کریں گے، جو سزائیں دی جارہی ہیں یہ ناحق سزائیں ہیں، گواہی اور ثبوت ایک ہی قسم کے ہیں،2 پولیس والوں کو پیش کرکے سزا کا اعلان کیا جاتا ہے۔
سلمان اکرم راجا نے میڈیا سے گفتگو کے دوران کہا کہ شاہ محمود قریشی کا رہائی کےبعد کیا رول ہوگا ابھی کچھ نہیں کہہ سکتا، پی ٹی آئی میں صرف بانی کا حکم چلتا ہے،14 اگست ہم اپنی آواز بھی بلند کریں گے،پاکستان میں جو نظام رائج ہے وہ جمہوریت کے متصادم ہے، شاہ محمود باہرآ کربانی کی ہدایات کے برعکس کچھ نہیں کریں گے، بانی کی جو بھی ہدایات ہوں گی شاہ محمود قریشی اس پرعمل کریں گے۔
