ملک بھر کے ڈسکوز صارفین کیلئے بجلی کی قیمتوں میں کمی کا امکان ہے۔
سی پی پی اے کی سہ ماہی ایڈجسٹمنٹ کی مد میں دائر درخواست پر سماعت آج ہوگی، درخواست مالی سال2024،25 کی چوتھی سہ ماہی کی مدمیں دائرکی گئی۔
درخواست منظوری کی صورت میں ملک بھر کیلئے بجلی کی قیمت میں ایک روپے 75 پیسے فی یونٹ کمی کا امکان ہے، جس سے صارفین کو53ارب 39 کروڑ روپے سے زائد ک اریلیف ملے گا، سہ ماہی ایڈجسٹمنٹ کا اطلاق کے الیکٹرک سمیت سرکاری ڈسکوز پربھی ہوگا۔
ایڈجسٹمنٹ ستمبر، اکتوبر، نومبر کے لیے منظور ہوئیں تو ریلیف مزید بڑھ سکتا، ستمبر، اکتوبر، نومبر کے لیے 2 روپے 10پیسے فی یونٹ تک کا ریلیف ملے گا۔ اگست، ستمبر، اکتوبر کیلئے صارفین کو ایک روپے 75 پیسے ریلیف ملے گا۔
