عازمین حج سے واجبات کی وصولی کا آغاز آج سے ہوگا،رجسٹرڈ عازمین9اگست تک درخواستیں اور اخراجات جمع کراسکتے ہیں۔
سرکاری اسکیم کے تحت حج اخراجات 2 اقساط میں وصول کیےجارہے ہیں،38سے42روز کےحج کےلیے5 لاکھ روپے جمع کرانے ہوں گے،20سے25 روزہ مختصر حج کی پہلی قسط ساڑھے5لاکھ روپے ہے،حج درخواستیں ملک کے14نامزد بینکوں میں جمع کرائی جاسکتی ہیں۔
حج اخراجات کی دوسری قسط یکم نومبر سےوصول کی جائے گی،عازمین حج کا انتخاب پہلےآئیے پہلے پائیے کی بنیاد پرکیاجائے گا،حج درخواستوں کےلیےپہلاموقع رجسٹرڈعازمین کودیاجارہا ہے،
سرکاری اسکیم کا کوٹہ مکمل ہوتے ہی درخواستوں کے وصولی روک دی جائے گی،بچ جانےوالی نشستوں پر غیر رجسٹرڈ عازمین کو بھی موقع دیاجائے گاغیر رجسٹرڈ عازمین سے11سے16اگست تک درخواستیں لی جائیں گی۔
