پنجاب حکومت نے صوبہ بھرکے باغات کو نو سموکنگ زون ڈکلئیرکردیا،محکمہ ہائوسنگ اینڈ پبلک ہیلتھ انجینئرنگ نےمراسلہ جاری کردیا۔
محکمہ ہائوسنگ اینڈ پبلک ہیلتھ انجینئرنگ کی جانب سے جاری مراسلےمیں صوبہ بھر کے پی ایچ ایزکو عوامی آگاہی اورفیصلے پرعملدرآمد یقینی بنانے کےاحکامات جاری کیےہیں،پی ایچ ایزکے زیرانتظام پارکس میں سگریٹ اور ویپ پر سختی سے پابندی ہوگی۔
مراسلے کےمطابق پبلک پارکس کینٹینزمیں ویپ،سگریٹ سمیت ہرطرح کی تمباکو پراڈکٹس کی فروخت پر پابندی ہوگی،پبلک پارکس کےداخلہ خارجی راستوں سمیت اہم مقامات پرنوسموکنگ کےآگاہی بورڈزآویزاں کیےجائیں، مانیٹرنگ کیلئے سکیورٹی اورسٹاف کو پابند بنایا جائے۔
سیکرٹری ہاؤسنگ نورالامین مینگل نےکہا بچوں اورنوجوان نسل کوسگریٹ نوشی کی بری عادت سے بچانے میں مدد ملےگی،باغات میں سیرکیلئےآئی فیملیز اور ورزش پسند افراد کو اچھاماحول دینا ہماری ذمہ داری ہے،وزیراعلیٰ پنجاب کی ہدایت پرباغات کومزیددلکش سسٹین ایبل بنایا جائےگا۔
