ایبٹ آباد ثانوی تعلیمی بورڈ نے میٹرک کے سالانہ امتحانات کے نتائج کا اعلان کر دیا، ہری پور کے سرکاری و نجی تعلیمی اداروں کی طالبات نے میدان مار لیاامام مسجد کی بیٹی نے پہلی پوزیشن حاصل کر لی ۔
ہری پور کے نجی تعلیمی ادارہ سے تعلق رکھنے والی سدرہ سعید الرحمان نے 1161 نمبر لے کر پہلی پوزیشن حاصل کر لی، سدرہ سعید الرحمان امام مسجد کی صاحبزادی ہیں جنہوں نے انتہائی محنت سے یہ اعزاز اپنے نام کیا۔
ہری پور کی نجی تعلیمی ادارہ کی طالبہ عریبہ جدون نے 1159 نمبر لے کر دوسری جبکہ مانسہرہ نجی تعلیمی ادارہ کی طالبہ زوفشان احمد نے 1158 نمبر لے کر تیسری پوزیشن حاصل کی۔
آرٹس گروپ میں ہری پور سرکاری تعلیمی ادارہ کی طالبات چھا گئیں، عریبہ نذیر نے 1069 نمبر لے کر پہلی، انعم بی بی نے 1050 نمبر لے کر دوسری جبکہ ولیجہ خان نے 1044 نمبر لے کر تیسری پوزیشن حاصل کی۔
ایبٹ آباد میں پروقار تقریب میں اعلی پوزیشینز حاصل کرنے والی طالبات میں انعامات بھی تقسیم کئے گئے۔ بورڈ نتائج نے ثابت کر دیا کہ محنت اور لگن سے کامیابی حاصل کی جاسکتی ہے۔
