کوٹ رادھا کشن کے علاقے بھمبھہ گاؤں نامعلوم افراد نے 12 سالہ بچی کا گلا کاٹ کر قتل کر دیا۔ ریسکیو ذرائع کے مطابق بچی کو کھیتوں میں زخمی حالت میں تڑپتے ہوئے دیکھ کر مقامی افراد فوری طور پر پولیس کو اطلاع دی۔
ریسکیو ٹیم نے شدید زخمی بچی کو فوری طور پر قریبی اسپتال منتقل کیا، تاہم وہ زخموں کی تاب نہ لاتے ہوئے دم توڑ گئی۔ پولیس کی بھاری نفری موقع پر پہنچ چکی ہے اور جائے وقوعہ سے شواہد اکٹھے کر کے تفتیش کا آغاز کر دیا گیا ہے۔
پولیس کے مطابق تاحال بچی کی شناخت نہیں ہو سکی، جب کہ لاش کو پوسٹ مارٹم کے لیے ڈی ایچ کیو اسپتال قصور منتقل کر دیا گیا ہے۔
