مریم نواز نے ایس اینڈ پی کی جانب سے پاکستان کی کریڈٹ ریٹنگ میں بہتری کو تاریخی اور خوش آئند قرار دے دیا۔
وزیر اعلیٰ پنجاب مریم نواز نے کہا کہ الحمدللہ آج عالمی ادارے بھی پاکستان کی معیشت کے استحکام کو تسلیم کر رہے ہیں۔ پاکستان اللہ کے فضل و کرم سے معاشی خود انحصاری کی منزل ضرور حاصل کرے گا۔
مریم نواز نے سابق وزیراعظم نواز شریف، وزیراعظم شہباز شریف اور معاشی ٹیم کو مشکل ترین حالات میں امید کا دیا روشن رکھنے پر زبردست خراج تحسین پیش کیا۔
مریم نواز کا کہنا تھا کہ ایس اینڈ پی کی کریڈٹ ریٹنگ میں بہتری مدبرانہ قیادت اور معاشی بصیرت کا منہ بولتا ثبوت ہے۔
وزیر اعلیٰ پنجاب کا کہناتھا کہ حکومت کی شفاف پالیسیوں، دور اندیشی اور ٹھوس معاشی اصلاحات سے سرمایہ کاروں کا اعتماد بحال ہو چکا ہے۔ کریڈٹ ریٹنگ میں بہتری ملک کو مسلم لیگ ن کی قیادت کی شب و روز محنت کا ثمر ہے۔
