مالی سال 25-2024ء میں ایک ارب 49 کروڑ ڈالر کے اسمارٹ موبائل فونز درآمد کیے گئے، گزشتہ مالی سال موبائل امپورٹ میں 21.31 فیصد کمی ریکارڈ کی گئی۔
ادارہ شماریات کی دستاویز کے مطابق گزشتہ مالی سال 25-2024ء میں اسمارٹ موبائل فونز کی درآمد میں 21.31 فیصد کمی ریکارڈ کی گئی، جولائی 2024ء سے جون 2025ء کے دوران ایک ارب 49 کروڑ ڈالر کے موبائل فون درآمد کیے گئے۔
رپورٹ کے مطابق پاکستانی کرنسی میں درآمدی موبائل فونز کی مالیت 417 ارب 35 کروڑ ریکارڈ کی گئی جبکہ مجموعی طور پر ایک ارب 89 کروڑ ڈالر کے موبائل فونز بیرون ملک سے منگوائے گئے تھے۔
ادارہ شماریات کے مطابق جون 2025ء میں موبائل فونز کی امپورٹ 49.95 فیصد تک بڑھ گئی، گزشتہ ماہ درآمدی موبائل فونز کی مالیت 13 کروڑ 94 لاکھ ڈالر ریکارڈ کی گئی۔
رپورٹ کے مطابق مقامی کرنسی میں گزشتہ ایک ماہ میں 39 ارب 45 کروڑ روپے کے موبائل درآمد کیے گئے۔
