وزیراعلیٰ پنجاب مریم نوازشریف نے تقریب سے خطاب کرتے ہوئے کہا کہ میں نے ڈالا کلچر پر کریک ڈاؤن کیا، پولیس اہلکار نے میرے بیٹے کی گاڑی کو روکا اور چالان کیا، اہلکار نے جنید سے کہا مجھے پتا نہیں تھا یہ وزیراعلیٰ کی گاڑی ہے، جنید نے اہلکار سے کہاآپ اپنی ڈیوٹی کریں،چالان کریں، میں نے خود پولیس اہلکار کو فون کیا اور چالان پر تعریف کی، وزیراعلیٰ کا بیٹا ہو یا کوئی اور،قانون سے کوئی بالاتر نہیں، کمزور شخص کو وردی نہیں پہننی چاہئے۔
ان کا کہناتھا کہ مہنگائی کاطوفان،ذخیرہ اندوزی،قبضہ مافیانظرنہیں آناچاہیے، کمزورآدمی کووردی نہیں پہننی چاہیے، پنجاب میں کرمنلزبھاگ رہےہیں، سی سی ڈی بنانےکےبعدامن وامان میں بہتری آئی، ناجائزآمدنی،کرپشن کاپیسہ بیماریوں،نقصان پرلگتاہے، ناجائز آمدنی، کرپشن کاپیسہ بہت تیزی سےآتاہے، فرسودہ سوچ کوبدلنےکاوقت آگیاہے۔
وزیراعلیٰ پنجاب کا کہناتھا کہ 8ماہ کی قلیل مدت میں آئیڈیا حقیقت کے طور پر سامنے نظر آ رہا ہے، پیرا کی اسپیشلائزیشن اور ٹریننگ دیکھ کر خوشی ہوئی، مصنوعی مہنگائی کنٹرول کرنے کیلئے کوئی فورس نہیں تھی، ڈی سیز،کمشنرز اپنا کام چھوڑ کر قیمتیں کنٹرول کرنے کیلئے بھاگ پڑتے ہیں، وزیراعلیٰ بنی تو پتا چلا پرائس کنٹرول ڈیپارٹمنٹ آؤٹ سورس ہے۔
انہوں نے کہا کہ پرائس کنٹرول مجسٹریٹس،لوگوں نے کرایہ پر لوگ رکھے ہوئے ہیں، وہ لوگ دکانداروں سے بھتہ لیتے تھے اور آمدنی کا ذریعہ بنا لیا تھا، پنجاب کے عوام کی خدمت میرا فرض ہے، ہم نے خواب کو سچ کر دکھایا، سوچا کہ قیمتیں کنٹرول کرنے کیلئے ایک فورس ہونی چاہیے، پنجاب بھر میں تجاوزات کے خلاف بلاتفریق آپریشن کیا۔
ان کا کہناتھا کہ تجاوزات کی وجہ سے بازار چھوٹے اور تنگ ہو گئے تھے، چھوٹے راستوں کی وجہ سے خواتین کو ہراساں کیا جاتا تھا، پنجاب کے بازاروں کو خواتین کیلئے محفوظ بنا دیا، 8ماہ کی قلیل مدت میں پیرا لاہور میں اگلے ہفتے سے کام شروع کر دے گی۔
ڈی جی پیرا کیپٹن فرخ عتیق کووزیراعلیٰ پنجاب مریم نواز نے شاباش دی اور کہا کہ ڈی جی پیرا نےبہت پیشہ ورانہ طریقے سے کام کو انجام دیا، آئی جی کی سپورٹ،دلچسپی کے بغیریہ کام احسن طریقے سے نہیں ہو سکتا تھا، بزرگوں کی رہنمائی میں ہی آگے بڑھتے ہیں، امید ہے پیرا صرف ایک فورس نہیں بلکہ انقلاب ہوگا۔
مریم نواز نے کہا کہ پیرا میں تقریباً 8 ہزار سے زائد فورس ہو گی، اربوں روپے کی لاگت سے پیرا فورس وجود میں لائی گئی، تجاوزات قائم کرنے پر مسلسل نظر رکھنا بہت ضروری ہے، پیرا تجاوزات قائم کرنے والوں پر مسلسل نظر رکھے گی، پیرا ریگولیٹری اور انفورسمنٹ اتھارٹی ہے، پیرا کا کام ظالم کے سامنے آہنی دیوار اور دہشت کی علامت بننا ہے۔
وزیراعلیٰ کا کہناتھا کہ مظلوم کی مدد کیلئے پہنچنا پیرا کا کام ہے، پیرا ناجائز قبضے،ذخیرہ اندوزی،تجاوزات پر نظر رکھے گی، زائد منافع خوری کرنے والا پیرا کی پکڑ سے بچ نہیں سکےگا، قانون سے کوئی بالاترنہیں، قانون صرف غریب کیلئے نہیں،طاقتور پر بھی لاگو ہونا چاہیے، جتنابڑاخلاف ورزی کرنے والا ہو گا،پیرا کی گرفت اتنی ہی بڑی ہوگی، پیرا کے ہوتے کمزور تنہا نہیں ہونا چاہیے، طاقتوروں کو پتا ہے قانون غریب کیلئےہے۔
