پاکستان بلائنڈ کرکٹ کونسل نے پہلے ویمنز ٹی 20 ورلڈ کپ کیلئے ممکنہ قومی ویمنز کرکٹرز کا اعلان کردی۔
پی بی سی سی کے مطابق پاکستان بلائنڈ کرکٹ کونسل نے میرپور آزاد کشمیر میں سلیکشن کیمپ کے بعد نام شارٹ لسٹ کیے، خواتین بلائنڈ کرکٹ ورلڈ کپ 2025 کیلئے 20 ممکنہ کھلاڑیوں کا اعلان کیا گیا ہے، حتمی اسکواڈ کا اعلان 15 اکتوبر 2025 کو کیا جائے گا۔
پاکستان بلائنڈ کرکٹ کونسل کا کہنا ہے کہ ٹی 20 بلائنڈ ورلڈ کپ 10 سے 25 نومبر تک نیپال اور بھارت میں ہوگا۔
پی بی سی سی کے مطابق شارٹ لسٹ کھلاڑیوں کی فہرست میں بی 1 اور بی 2 کیٹیگری کی 7، 7 کھلاڑی شامل ہیں، بی 3 کیٹیگری کی 6 کھلاڑی اسکواڈ کا حصہ ہیں۔
پاکستان بلائنڈ کرکٹ کونسل کا کہنا ہے کہ بی 1 کیٹیگری کی کھلاڑیوں میں بشریٰ ظہور، بسمہ حسین، شمیلہ کرن، رمشہ شبیر، سمیرا ملک، عیشال فیصل اور قندیل فاطمہ، بی 2 کیٹیگری میں نُصرَت بتول، نمرہ رفیق، ایمان ارشد، میراب اشرف، حوریہ ملک، سعدیہ خالد اور رابعہ جاوید ہاشمی شامل ہیں۔
کونسل کے مطابق بی 3 کیٹیگری میں مریم خان، آرمین طارق، نور فاطمہ، مہرین علی، نیشا بخش اور مریم جہانگیر اسکواڈ کا حصہ ہیں۔
