مشرق وسطی میں کشیدہ صورتحال کے پیش نظر آر ایل این جی کی سپلائی متاثر ہوئی ہے جس کی وجہ سے ایس ایس جی سی کے سسٹم مین گیس کی کمی کا فیصلہ اور سوئی سدرن نے رمضان کیلئے اعلان کر دہ شیڈول پر نظر ثانی کا فیصلہ کر لیاہے ۔
ذرائع کے مطابق اب سحری اور افطاری میں صارفین کو گیس فراہمی یقینی بنائی گئی ہے، سحر و افطار کے سوا دیگر اوقات میں گیس لائن پیک کو مدنظر رکھ کر دی جائے گی، پرانا شیڈول بحال کرنے کا ابھی کوئی فیصلہ نہیں ہوا، سوئی سدرن رمضان میں مسلسل ساڑھے 19 گھنٹے صارفین کو گیس سپلائی کررہی تھی،کراچی میں 650 ایم ایم سی ایف ڈی گیس کی سپلائی قدرتی گیس سے دی جارہی ہے ، ار ایل این جی کے ذریعے 100 ایم ایم سی ایف ڈی گیس کی فراہمی میں کمی نے سپلائی متاثر کی، رمضان المبارک میں گھریلو صارفین کو گیس کی فراہمی اولین ترجیح ہے ، سی این جی، کمرشل اور انڈسٹریل صارفین کو گیس کی سپلائی متاثر ہوگی۔
