پاک بحریہ کےآفیسرز،سی پی اوز،سیلرزاورسویلینز کے اعزاز میں اہم تقریب کا انعقاد کیا گیا جس دوران 267 نیول اہلکاروں کو عسکری اعزازات و اسناد سے نوازا گیا ۔
آئی ایس پی آر کے مطابق تقریب کے مہمان خصوصی چیف آف نیول اسٹاف ایڈمرل نوید اشرف تھے ۔ تقریب میں 13 افسران کو ستارہ امتیاز(ملٹری) ، 11 افسران کو تمغہ امتیاز(ملٹری) ،183 ماسٹرچیف پیٹی آفیسرز،چیف پیٹی آفیسرز اور سیلرزکو تمغہ خدمت(ملٹری)عطا کئے گئے ۔ 60 آفیسرز،ماسٹرچیف پیٹی آفیسرز، چیف پیٹی آفیسرز، سیلرز اور سویلینز کو ستائشی اسناد سے نوازا گیا۔ تقریب میں پاک بحریہ کے سینئر،حاضر سروس اور ریٹائرڈ افسران کی بڑی تعداد نے شرکت کی۔
