پاکستان کی معروف اداکارہ حمیرا اصغر کی نماز جنازہ لاہور ماڈل ٹاون میں ادا کر دی گئی ہے جس کے بعد ان کے والد نے میڈیا سے گفتگو کرتے ہوئے کہا کہ بیٹی کی میت نہ لینے جانے کے حوالے سے چلنے والی تمام خبریں بے بنیاد ہیں ۔
تفصیلات کے مطابق حمیرا کے والد کا کہناتھا کہ پوسٹمارٹم رپورٹ پر ابھی کچھ نہیں کہنا چاہتا ، بیٹی کے ساتھ جو ہوا اس کا حساب اللہ لے گا ، حمیرا کی والدہ کا حمیرا سے رابطہ رہتا تھا ، ڈیڈ باڈی نا لینے کے حوالے سے تمام خبریں بے بنیاد ہیں، میڈیکل سے پہلے ڈیڈ باڈی کوئی کیسے وصول کر سکتا ہے ۔
یاد رہے کہ حمرا اصغر کی لاش تین روز قبل کراچی کے ایک فلیٹ سے اس وقت برآمد ہوئی جب مالک مکان سرکاری اہلکاروں کے ہمراہ فلیٹ خالی کروانے کیلئے عدالتی بیلف لے کر پہنچا ، جیسے ہی اہلکار اندر داخل ہوئے تو کمرے میں اداکارہ کی لاش ملی ۔
اداکا رہ کی پوسٹ مارٹم رپورٹ میں کہا گیا ہے کہ اداکارہ کی موت 8 سے 10 ماہ قبل ہوئی اور لاش ڈی کمپوزیشن کے آخری مرحلے میں تھی ۔
