وفاقی حکومت نے ریٹائرڈ سرکاری ملازمین کی پنشن میں 7 فیصد اضافے کا نوٹیفکیشن جاری کر دیا ہے۔ یہ اضافہ یکم جولائی 2025 سے نافذ العمل ہوگا۔
وزارت خزانہ کے مطابق پنشن میں اضافے کا اطلاق تمام سول، فوجی اور سول آرمڈ فورسز کے ریٹائرڈ ملازمین پر ہوگا۔ یکم جولائی یا اس کے بعد ریٹائرڈ ہونے والے ملازمین بھی اضافی پنشن کے حق دار ہوں گے۔
نوٹیفکیشن کے مطابق پنشن کم گریجوایٹی اسکیم کے تحت فیملی پنشن پر بھی اس اضافے کا اطلاق ہوگا۔ وزارت خزانہ نے 30 جون 2025 تک کی نیٹ پنشن کو ’’بیس پنشن‘‘ قرار دیا ہے
علاوہ ازیں، وفاقی حکومت نے 30 فیصد ڈسپیریٹی ریڈکشن الاؤنس اور 10 فیصد ایڈہاک ریلیف الاؤنس کا نوٹیفکیشن بھی جاری کیا ہے۔ یہ تمام نوٹیفکیشنز صدر مملکت کی منظوری کے بعد جاری کیے گئے ہیں۔
