بانی پی ٹی آئی کیخلاف وزیراعظم شہبازشریف کاہرجانہ کیس سپریم کورٹ تک پہنچ گیا۔
بانی پاکستان تحریک انصاف(پی ٹی آئی) و سابق وزیراعظم عمران خان نےعدالتی دائر اختیار سپریم کورٹ میں چیلنج کردیا بانی پی ٹی آئی نے ہرجانہ کیس کی کارروائی اپیل پرفیصلےتک معطل کرنےکی استدعا کی ہے۔
عدالت میں دائر کی گئی درخواست میں کہا گیا ہے کہ قانون کے مطابق ڈسٹرکٹ اینڈ سیشن عدالت ہی ہرجانہ کیس کی سماعت کر سکتی، ایڈیشنل سیشن جج کی عدالت کے دائرہ اختیار پر اعتراض کیا گیا۔
بانی پی ٹی آئی کی جانب سے درخواست میں کہا گیا ہے کہ ایڈیشنل سیشن جج نےاعتراض مستردکیا، لاہور ہائیکورٹ نے فیصلہ برقرار رکھا ہے، سپریم کورٹ لاہورہائیکورٹ اور ایڈیشنل سیشن جج کے احکامات کالعدم قراردے۔
بانی پاکستان تحریک انصاف(پی ٹی آئی) و سابق وزیراعظم عمران خان نے درخواست میں استدعا کی ہے کہ اپیل پرفیصلے تک لاہور ہائیکورٹ کا فیصلہ معطل کرکےکارروائی سےروکاجائے۔
