ترجمان محکمہ جیل خانہ پنجاب نے بیان جاری کرتے ہوئے کہاہے کہ بانی پی ٹی آئی اور اہلیہ کو قانون کے مطابق جیل میں تمام سہولیات دستیاب ہیں، جیل میں بجلی کی بلاتعطل فراہمی کا نظام ہونے کی وجہ سے لوڈ شیڈنگ نہیں ہوتی۔
ترجمان کے مطابق بانی پی ٹی آئی اور انکی اہلیہ کو میڈیکل کی تمام تر سہولیات بھی حاصل ہیں ، بانی پی ٹی ائی کا روزانہ کی بنیاد پر طبی معائنہ ہوتا ہے، سابق وزیراعظم کو جیل میں انکی مرضی کا کھانا فراہم کیا جاتا ہے، عدالتی احکامات اور جیل قوانین کے مطابق ملاقاتوں کا سلسلہ بھی جاری ہے، جیل آنے سے اب تک بانی پی ٹی ائی ایک ہی سیل میں موجود ہیں،کہیں اور منتقل نہیں کیا گیا ، بانی پی ٹی آئی کے سیل میں ورزش کے ساتھ ساتھ چہل قدمی کیلئے جگہ بھی موجود ہے، گرمی سے بچاؤ کیلئے بانی کو روم ایئر کولر کی سہولت بھی دی گئی ہے، بانی پی ٹی آئی کےسیل میں ٹی وی بھی موجود ہے۔
