شہر قائد سمیت ملک بھر میں شدید بارشوں کے باعث کراچی سے مختلف شہروں کیلئے ٹرینوں کی روانگی میں کئی کئی گھنٹے کی تاخیر کا سامنا ہے، مسافر شدید مشکل میں پڑ گئے ہیں۔
ملک بھر میں پری مون سون بارشوں کے باعث ملک بھر میں ٹرین شیڈول شدید متاثر ہوگیا، کراچی سے ٹرینوں کی آمد و رفت 7 گھنٹے تک تاخیر کا شکار ہوگیا۔
حکام کے مطابق پاکستان ایکسپریس ساڑھے 4 گھنٹے تاخیر سے شام ساڑھے 6 بجے روانہ ہوگی، علامہ اقبال ایکسپریس 3 گھنٹے 45 منٹس تاخیر سے 7 بجکر 15 منٹ پر روانہ ہوگی، پاک بزنس ایکسپریس ساڑھے 4 گھنٹے تاخیر سے رات 8:30 بجے روانہ ہوگی۔
رپورٹ کے مطابق کراچی سے ملت ایکسپریس 7 گھنٹے تاخیر کے بعد رات 12:00 بجے، تیزگام ایکسپریس ڈھائی گھنٹہ تاخیر سے رات 8:00 بجے اور زکریا ایکسپریس 4 گھنٹے تاخیر سے رات 10:15 بجے روانہ ہوگی جبکہ فرید ایکسپریس 2 گھنٹے تاخیر کے بعد رات 9:30 پر کراچی سے نکلے گی۔
