اسپیکر پنجاب اسمبلی ملک محمد احمد خان نے پنجاب اسمبلی میں توڑپھوڑ کرنے پر 10 ارکان پر 20 لاکھ روپے سے زائد جرمانہ عائد کردیا۔ نوٹیفکیشن کے مطابق 7 روز میں ادائیگی نہ کی گئی تو قانون کے مطابق ریکوری کروائی جائے گی۔
پنجاب اسمبلی میں گزشتہ روز وزیراعلیٰ مریم نواز کی تقریر کے دوران پی ٹی آئی ارکان کی جانب سے توڑ پھوڑ اور ہلڑ بازی کی گئی۔
پنجاب اسمبلی میں توڑپھوڑ پر اسپیکر ملک محمد احمد خان نے 10 ارکان پر جرمانہ عائد کردیا، دوران اجلاس مائیک توڑنے والے ارکان پر 20 لاکھ سے زائد جرمانہ عائد کردیا گیا۔
نوٹیفکیشن کے مطابق اسپیکر نے سرکاری املاک کو نقصان پہنچانے پر فی کس 2 لاکھ روپے سے زائد جرمانہ عائد کیا گیا، ادائیگی 7 روز میں نہ کرنے پر پنجاب گورنمنٹ ڈیو ریکوری آرڈیننس 1962ء کے تحت کارروائی ہوگی۔
متن میں نظم و ضبط کی خلاف ورزی ناقابلِ قبول قرار دی گئی ہے۔ اسپیکر ملک محمد احمد خان کا کہنا ہے کہ ایوان کی املاک نقصان پہنچانا قابلِ گرفت ہے۔
جرمانے کی زد میں آنے والے پی ٹی آئی ارکان اسمبلی میں چوہدری جاوید، اسد عباس، تنویر اسلم، سید رفعت محمود، محمد اسماعیل، شہباز احمد، امتیاز محمود، خالد زبیر، رانا اورنگزیب اور احسن علی شامل ہیں۔
