وفاقی وزیر مواصلات عبدالعلیم خان کا کہنا ہے کہ محرم الحرام عزم واستقلال اور باہمی اخوت کا استعارہ ہے۔ قمری سال کے آغاز پر تمام مسلم امہ اور ہر پاکستانی کیلئے دعا گو ہیں۔
نئے ہجری سال پر صدر استحکام پاکستان پارٹی اور وفاقی وزیر عبدالعلیم خان نے اپنے پیغام میں کہا کہ محرم الحرام ہمیں باہمی محبت ، بھائی چارے اور آواز حق پہ لبیک کہنے کا درس دیتا ہے۔ نواسہ رسول اور ان کے رفقا نے اپنے خون سے دین کی آبیاری کی ۔
عبدالعلیم خان نے کہا کہ حسینی نظریہ سچائی کے لئے باطل کے آگے ڈٹ جانے کا نام ہے۔ ان کے اسوہ حیات پر چل کر ہی مسلمان اللہ کی خوشنودی حاصل کر سکتا ہے۔
وفاقی وزیر مواصلات نے کہا کہ دعا ہے کہ نیا سال انتہا پسندی کے خاتمے اور امن و خوشحالی کی نوید ہو۔ وطن عزیز کی حفاظت اور عالم اسلام کی سربلندی کے لیے دعا گو ہیں۔
