پاکستان میں 50 ہزار روپے سے کم قیمت میں بہترین موبائل فون تلاش کرنا آج کل کافی مشکل ہو گیا ہے، جو واقعی اپنی قیمت کے حساب سے بہترین ویلیو فراہم کرے۔ مارکیٹ میں کئی برانڈز مختلف قسم کے بجٹ فونز پیش کرتے ہیں اور جدید فیچرز کے دعوے بھی کرتے ہیں، لیکن روزمرہ استعمال میں اکثر تجربہ توقعات سے مختلف نکلتا ہے۔
پاکستان میں زیادہ تر لوگ ایک لاکھ روپے سے زائد خرچ کرکے نیا اسمارٹ فون خریدنا نہیں چاہتے۔ انہیں ایسا فون چاہیے جو قابلِ اعتماد ہو، روزمرہ کے بھاری استعمال کو آسانی سے سنبھال سکے، جس کی بیٹری جلد ختم نہ ہو اور ساتھ ہی ایک اچھا کیمرہ بھی موجود ہو۔ یہی وہ قیمت کا حصہ ہے جہاں یہ کیٹیگری نمایاں ہوتی ہے۔
آج ہم نہ صرف آپ کو 50 ہزار روپے سے کم بجٹ میں بہترین اسمارٹ فونز کے بارے میں بتائیں گے بلکہ یہ بھی جانیں گے کہ آیا یہ فون واقعی اپنی قیمت کے حساب سے بہترین ویلیو فراہم کرتے ہیں یا نہیں۔
OPPO A6x 6GB
اس موبائل فون کی قیمت 47 ہزا ر روپے ہے ، اس میں 6 جی بی ریم اور 128 جی بی کی روم دی گئی ہے ، موبائل فون میں 6.75 انچ کا بڑا ڈسپلے دیا گیاہے جو کہ سکرین ایکسپرینس کو شاندار بناتا ہے ، اس کے علاوہ 6500 ایم اے ایچ کی تگڑی بیٹری کے ساتھ فرنٹ کیمرہ 5 میگا پگسل جبکہ بیک کیمرہ 50 میگا پگسلز کا نصب کیا گیاہے ۔
TECNO Spark 50
TECNO Spark 50 کی پاکستان میں قیمت 43 ہزار 999 روپے مقرر کی گئی ہے، جسے طویل بیٹری لائف، مضبوط ڈیزائن اور جدید فیچرز کے ساتھ متعارف کرایا گیا ہے۔
کمپنی کے مطابق SPARK 50 میں 7000mAh کی بڑی بیٹری دی گئی ہے، جو ایک بار چارج ہونے پر طویل استعمال کی سہولت فراہم کرتی ہے۔ SPARK 50 میں 6.78 انچ کا 120Hz ریفریش ریٹ ڈسپلے دیا گیا ہے، جبکہ ڈیوائس MediaTek Helio G81 پروسیسر سے لیس ہے۔ فون میں 6GB ریم کے ساتھ 12GB ایکسٹینڈڈ ریم اور 128GB اسٹوریج فراہم کی گئی ہے۔
Vivo Y11d
یہ موبائل فون بھی اس رینج میں شاندار فیچرز کے ساتھ آتاہے جس کی قیمت 44 ہزار روپے مقرر ہے ، اس میں 6.74 انچ کا بڑا ڈسپلے، 6500 ایم اے ایچ کی بیٹری نصب ہے ، یہ موبائل فون 4 جی بی ریم اور 128 جی بی روم کے ساتھ آتاہے، موبائل میں 50 میگا پگسلز کا بیک کیمرہ دیا گیاہے ۔
Itel Super 26 Ultra
موبائل فون کی قیمت 50 ہزار روپے ہے لیکن اس کا فرنٹ کیمرہ 32 میگا پگسلز ہے جو سیلفی کے شوقین افرادکی توجہ اپنی جانب مبذول کروا رہاہے، اس کے علاوہ اس میں 6 ہزار ایم اے ایچ بیٹری، 6.8 انچ کا بڑا ڈسپلے جبکہ 50 میگا پگسلز کا بیک کیمرہ دیا گیاہے ۔ موبائل فون میں 8 جی بی ریم اور 256 جی بی سٹوریج سپیس دی گئی ہے ۔
Infinix Hot 60i 8GB
اس موبائل فون کی قیمت 45 ہزار روپے مقرر کی گئی ہے ، اس میں 8 جی بی ریم، 256 جی بی سٹوریج 50 میگا پگسلز بیک کیمرہ، 8 میگا پگسلز فرنٹ کیمرہ، 6.7 انچ کا ڈسپلے اور 5160 ایم اے ایچ کی بیٹری دی گئی ہے ۔
