سپریم کورٹ نے سیلز ٹیکس واجبات کے تعین کے بغیر ٹیکس دہندگان کے خلاف فوجداری کارروائی کو غیر قانونی قرار دے دیا۔ کہا کہ ابتدائی مرحلے پر فوجداری کارروائی شروع کرنا انصاف کے تقاضوں کے خلاف ہے۔
سپریم کورٹ کے 3 رکنی بینچ نے تفصیلی فیصلہ جاری کیا ہے۔ قرار دیا کہ کسی بھی ٹیکس دہندہ کے خلاف فوجداری کارروائی سے قبل ٹیکس واجب الادا ہونے کا تعین اور اپیل کا حق دیا جانا آئینی تقاضا ہے۔ ایف بی آر ایس آر او کے تحت مجرمانہ کارروائی کا اختیار دینا قانون اور آئین کے منافی ہے۔
عدالت نے ایف بی آر کی طرف سے ٹیکس چوری کے الزامات پر براہ راست مقدمات درج کرنا اختیارات سے تجاوز قرار دیا۔ تفصیلی فیصلے کے مطابق صرف نوٹس، انویسٹی گیشن یا غیر حتمی معلومات پر گرفتاری آئینی اصولوں کے خلاف ہے۔ تمام متعلقہ ہائی کورٹس کے فیصلوں کو برقرار رکھا جاتا ہے اور اپیلیں خارج کی جاتی ہیں۔
سپریم کورٹ نے کہا کہ ایف آئی آرز، گرفتاریوں اور ٹرائلز کو کالعدم قرار دیا جاتا ہے۔ تمام مجرمانہ کارروائیاں فوری طور پر روکی جائیں۔
