نائب وزیراعظم و وزیر خارجہ اسحاق ڈار اور فیلڈ مارشل جنرل عاصم منیر نے استنبول میں او آئی سی وزرائے خارجہ اجلاس کے موقع پر ترک صدر رجب طیب ایردوان سے ملاقات کی ہے۔
ترجمان دفتر خارجہ کے اعلامیے کے مطابق ملاقات میں پاکستان اور ترکیہ کے درمیان دیرینہ برادرانہ تعلقات کو مزید گہرا اور مضبوط کرنے کے عزم کا اعادہ کیا گیا۔
Deputy Prime Minister/Foreign Minister, Senator Mohammad Ishaq Dar @MIshaqDar50, along with Chief of Army Staff, Field Marshal Asim Munir, called on the President of Türkiye, Recep Tayyip Erdoğan @RTErdogan , today on the sidelines of the 51st session of the OIC Council of… pic.twitter.com/gwNkfgZhH0
— Ministry of Foreign Affairs - Pakistan (@ForeignOfficePk) June 21, 2025
اسحاق ڈار نے ترک صدر کو وزیراعظم شہباز شریف کا تہنیتی پیغام پہنچایا اور کہا کہ پاکستان ترکیہ کے ساتھ اپنے پائیدار دوطرفہ تعلقات کو خصوصی اہمیت دیتا ہے۔
ملاقات میں دوطرفہ تعاون کے مختلف شعبوں پر تبادلہ خیال کیا گیا۔
پاکستان اور ترکیہ کی ایران پر اسرائیلی حملوں کی مذمت
ملاقات کے دوران پاکستان اور ترکیہ کی قیادت نے ایران پر اسرائیلی حملوں کی شدید مذمت کی اور دونوں رہنماؤں نے اسرائیلی حملوں کو بین الاقوامی قوانین کے بنیادی اصولوں کی صریح خلاف ورزی قرار دیا۔
ملاقات میں اتفاق کیا گیا کہ اقوام متحدہ کے چارٹر کے تحت ایران کو اپنی خودمختاری، علاقائی سالمیت اور دفاع کا مکمل حق حاصل ہے۔
ملاقات میں کشیدگی کم کرنے کے لیے سفارتی کوششیں جاری رکھنے پر بھی اتفاق ہوا جبکہ عالمی برادری پر خطے میں امن و استحکام کی بحالی میں کردار ادا کرنے پر زور بھی دیا گیا۔
دونوں فریقوں کی جانب سے غزہ میں اسرائیلی جارحیت کو بھی فوری طور پر روکنے کا مطالبہ کیا گیا اور غزہ کے محصور لوگوں کو انسانی امداد کی بلا روک ٹوک فراہمی کی کوششیں تیز کرنے پر زور دیا گیا۔
