ایران اسرائیل جنگ نویں روزمیں داخل ہوگئی،ایران کی جانب سےاسرائیل پرتازہ جوابی حملہ کیاگیا،آئرن ڈوم ایرانی میزائل روکنےمیں ناکام ہوگئے،مقبوضہ وسطی اورجنوبی فلسطین میں سائرن بج اٹھے،حیفا پرایرانی حملوں میں زخمیوں کی تعداد پینتالیس ہوگئی۔
ایران نے اسرائیل کےفوجی اڈوں اوردمونا میں ایٹمی ری ایکٹرکو بھی نشانہ بنانےکا دعویٰ کیا ہے،ایران کے میزائل حملوں میں وسطی اسرائیل میں عمارت میں آگ بھڑک اٹھی،اسرائیلی جنرل نےانتباہ کیا ہے کہ ایران کے ساتھ جنگ طویل ہوسکتی ہے،عوام تیار رہیں،مزید مشکل دن آنیوالے ہیں۔
ایران کے شہر اصفہان میں دھماکوں کی آوازیں سنی گئیں،خیال رہے کہ اصفہان نیوکلیئر ٹیکنالوجی سینٹر ایران کا سب سے بڑا نیوکلیئر ریسرچ کمپلیکس ہے۔
اسرائیلی فضائیہ نے ایرانی شہر شیراز پر حملہ کردیا،ایرانی میڈیا کے مطابق اسرائیل نے حملے میں فوجی تنصیبات کو نشانہ بنایا۔
دوسری جانب اسرائیلی طیاروں نےتہران ،نجف آباد کرَج، اورقم شہرپرحملے کردئیے،جس کے نتیجے میں دو افراد جاں بحق جبکہ درجنوں زخمی ہوگئے۔
اسرائیل نے پاسداران انقلاب کے ڈرون ونگ کے کمانڈر کو ہلاک کرنےکا دعویٰ کیا ہے،اسرائیلی میڈیا کے مطابق اسرائیلی فضائی حملے میں امین پورجودکی ہلاک ہوئے
ایران نے آئی اے ای اے کے سربراہ رافیل گروسی کے خلاف اقوام متحدہ میں شکایت درج کرادی، اقوام متحدہ میں ایرانی سفیر امیر سعید ایرانی نےایران کی پرامن جوہری سرگرمیوں کے حوالے سے گروسی کے رویے کی مذمت کی۔
