ملائشیا کی سستی ترین ایئر لائن کی پہلی پرواز کراچی پہنچ گئی، ایئرپورٹ پر والہانہ استقبال کیا گیا، ایئر ایشیا ایکس کی پہلی پرواز کو واٹر سیلوٹ پیش کیا۔
ملائیشین ایئر لائن ایئرایشیا کی کراچی ایئرپورٹ کے ڈیپارچر لانچ میں پہلی پرواز کی آمد پر کیک بھی کاٹا گیا، کوالالمپور سے 298 مسافر کراچی پہنچے، پہلی پرواز 315 مسافر لے کر گئی۔
ملائیشیا کے قونصل جنرل کراچی نے مسافروں کا استقبال اور الوداع کہا۔ سی ای او خواجہ علی مجید نے کہا کہ ٹی سی بی پاکستان میں ایئر ایشیا کا جنرل سیلز ایجنٹ ہے، ایئر ایشیا ایکس ملائیشیا کی بڑی ایئر لائن ہے، معاہدہ پاکستانی فضائی صنعت کیلئے خوش آئند ہے۔
ان کا کہنا تھا کہ ایئر ایشیا ایکس نے ابتدائی طور پر کراچی کیلئے 4 پروازیں شروع کی ہیں، کراچی کے بعد لاہور اور اسلام اباد سے بھی پروازیں چلائی جائیں گی۔
