چیئرمین پیپلزپارٹی بلاول بھٹو زرداری کا کہنا ہے کہ خیبرپختونخوا حکومت کی جانب سے کرپشن اور لاقانونیت سے تنگ عوام پر تشدد قابل مذمت ہے۔
بلاول بھٹو زرداری نے پیپلزپارٹی خیبرپختونخوا کے صدر محمد علی شاہ باچہ سے ٹیلی فونک رابطہ کیا اور پشاور میں گزشتہ روز "صوبہ بچاؤ تحریک" کے سلسلے میں ریلی پر تشدد سے متعلق دریافت کیا۔ چیئرمین پیپلزپارٹی پی پی خیبرپختونخوا کے صدر کو پشاور میں ریلی کے انعقاد پر شاباشی دی۔
چیئرمین پیپلزپارٹی نے کہا کہ پرامن احتجاج سے گھبرا کر خیبرپختونخوا حکومت نے آنسوگیس کی شیلنگ کی، صوبائی حکومت کو عوام سے براہِ راست ٹکراؤ کی حکمت عملی مہنگی پڑے گی۔
بلاول بھٹو زرداری نے کہا کہ کرپشن اور لاقانونیت سے تنگ عوام پر تشدد قابل مذمت ہے، صوبہ بچاؤ تحریک کا دائرہ خیبرپختونخوا کے گلی کوچے تک پھیلے گا، پی ٹی آئی کی غنڈہ سرکار ہمیں نہیں روک سکے گی۔
