پاک، بھارت ڈائریکٹر جنرلز ملٹری آپریشنز (ڈی جی ایم اوز) کے درمیان رابطے پر اتفاق ہوا ہے۔
ذرائع کے مطابق دونوں ڈی جی ایم اوز کے درمیان 12 مئی کو صبح ساڑھے 11بجے گفتگو ہوگی۔
قبل ازیں نائب وزیراعظم اسحاق ڈار کا کہنا ہے کہ پاکستان اور بھارت فوری جنگ بندی پر متفق ہوگئے۔
ٹویٹر پیغام میں اسحاق ڈار نے کہا کہ پاکستان نے ہمیشہ خطے میں امن اور سلامتی کیلئے کوشش کی، پاکستان نے امن کی کاوشوں میں خودمختاری، سالمیت پر کبھی سمجھوتہ نہیں کیا۔
اسحاق ڈار نے کہا کہ کچھ دیر بعد وزارت خارجہ کی جانب سے تفصیلی پریس ریلیز جاری ہوگی، قوم کی دعاوں سے پاکستان نے بھرپور دفاع کیا، نہ صرف دفاع کیا، بلکہ جو رسپانس دینا چاہیے تھا وہ دیا۔
انہوں نے مزید کہا کہ مختلف ممالک 24 گھنٹوں سے جنگ بندی کےلی کوشش کررہے تھے، ہماری ایک ہی بات تھی کہ ہم سیز فائر کیلئے تیار ہیں، بھارت اگر قدم اٹھاتا تو ہم جواب دیتے۔
