پاکستان میں مختلف مقامات پر بھارتی ڈرون حملوں کے بعد وزیراعظم ہاؤس میں اہم اجلاس میں بھارت کے اوچھے ہتھکنڈوں پر بھرپور جوابی کارروائیاں جاری رکھنے کا فیصلہ کرلیا گیا۔
وزیر اعظم شہبازشریف کی زیر صدارت اجلاس میں وفاقی وزرا اور سیکیورٹی حکام نے شرکت کیں، اجلاس میں اجلاس میں ملک کی مجموعی سیکیورٹی کا جائزہ لیا گیا۔ اجلاس میں بھارت کے اوچھے ہتھکنڈوں پر بھرپور جوابی کارروائیاں جاری رکھنے کا فیصلہ کرلیا گیا۔
وزیراعظم شہبازشریف نے کہا کہ پوری قوم پاک فوج کے ساتھ شانہ بشانہ کھڑی ہے، ہمیں اپنی پاک فوج پر فخر ہے اور ہم ہر حالات کےلیے تیار ہیں۔ پاک افواج دشمن کے تمام عزائم ناکام بنانے کی صلاحیت رکھتی ہے۔
شہبازشریف کا کہنا تھا کہ پاکستان نے بھارت کے ڈرون اور جہاز مار گرائے ہیں، پاکستان اپنے وقار اور عزت سے امن کے لیے پر عزم ہے، دشمن کو خود ارادیت، علاقائی سالمیت پر حملے اور سلامتی کی خلاف ورزی کا جواب ملے گا۔
اجلاس کے شرکاء کو شرکاء کو ڈرون حملوں اور پاکستانی ردعمل سے بھی آگاہ کیا گیا، بھارت کے 25 اسرائیلی ڈرون مار گرائے گئے۔ فورم نےعزم ظاہر کیا کہ ڈرون حملوں میں شہید ہونے والوں کا بدلہ لیا جائے گا، ایک ایک پاکستانی کے خون کا حساب لیا جائے گا۔
