وفاقی وزیر دفاع خواجہ محمد آصف نے کہا ہے کہ وطن اور اسکی سلامتی شخصیات اور لیڈرشپ سے کہیں زیادہ اہم ہے۔
سماجی رابطے کے پلیٹ فارم ایکس پر جاری اپنے حالیہ بیان میں وزیر دفاع خواجہ آصف کا کہنا تھا کہ قومی اتحاد اور یک جہتی کے اظہار کو بانی پی ٹی آئی کی شرکت سے مشروط کرنا پی ٹی آئی کی کوتاہ اندیشی ہے اور یہ حب الوطنی کو مشروط کرنے کے مترادف ہے۔
وزیر دفاع کا کہنا تھا کہ پلوامہ کے واقعہ کے وقت ہماری قیادت بانی پی ٹی آئی کی فرمائش پر قید تھی لیکن جیلوں سے باہر قیادت نے بریفنگ میں شرکت کی جبکہ بانی پی ٹی آئی نے اس بریفنگ میں ہمارے ساتھ بیٹھنے سے انکار کیا تھا ، ہم نے قومی اتحاد میں رخنہ نہ ڈالا۔
خواجہ آصف کا مزید کہنا تھا کہ انشاء اللہ پاکستان کو تا قیامت دوام ہے، بڑے محترم لیڈر آئے اور دنیا سے رخصت ہوئے اپنی یاد چھوڑ جاتے ہیں۔
