قومی کرکٹ ٹیم میں سے ایک اورکھلاڑی دولہا بننے کو تیار،قومی کرکٹر فہیم اشرف کی شادی بھی رواں ماہ ہوگی۔
تفصیلات کے مطابق قومی کرکٹ ٹیم کے کھلاڑی فہیم اشرف کی شادی 25 نومبر کو منعقد ہوگی۔
ذرائع کے مطابق فہیم اشرف کی مہندی کی تقریب 23 نومبر، بارات 25 جبکہ ولیمہ 26 نومبر کو ہوگی،شادی کی تقریب نارووال جبکہ ولیمہ کی تقریب پھول نگر میں ہوگی۔شادی کا کارڈ بھی منظر عام پر آگیا ہے۔
اس سے قبل سابق کرکٹر انضمام الحق کے بھتیجے امام الحق کی شادی کی تاریخ بھی سامنے آئی تھی،امام الحق کی شادی کی تقریبات کا آغاز 23 نومبر سے ہورہا ہے،23 نومبر کو قوالی نائٹ 25 کو نکاح جبکہ 26 کو ولیمہ کی تقریب رکھی گئی ہے۔
قومی کرکٹر امام الحق نے شادی کے خاص دن پر پرنس کوٹ کا انتخاب کیا ہے۔
