اسلام آباد کی مقامی عدالت نے توہین مذہب کے ملزمان کو موت و عمر قید کی سزائیں سنادیں۔
ڈسٹرکٹ اینڈ سیشن کورٹ اسلام آباد نے توہین مذہب کے ملزمان کو سزائے موت و قید کی سزائیں سنادیں۔
ایڈیشنل ڈسٹرکٹ اینڈ سیشن جج محمد افضل مجوکہ نے کیس کا فیصلہ سنایا، مجرمان میں عباس خان، شاہد شہزاد اور زرہ گل شامل ہیں۔
رپورٹ کے مطابق مجرمان کو 295 سی کے تحت سزائے موت اور 5 لاکھ روپے جرمانے کی سزا سنائی گئی، پیکا ایکٹ کے تحت 7 سال قید اور ایک لاکھ روپے جرمانے کی سزا سنائی، 295 بی کے تحت عمر قید کی سزا بھی سنائی گئی اور 298 اے کے تحت مجرمان کو 3 سال قید اور ایک لاکھ جرمانے کی سزا بھی سنائی گئی۔
عدالتی فیصلے کے مطابق مجرمان سوشل میڈیا پلیٹ فارم کے ذریعے توہین آمیز مواد پھیلانے میں ملوث تھے، مجرمان کے خلاف ایف آئی اے میں توہین مذہب سمیت دیگر دفعات کے تحت مقدمہ درج تھا۔
