لاہور قلندرز نے ملتان سلطانز کو 5 وکٹوں سے شکست دے دی، سلطانز کی جانب سے دیا گیا 186 رنز کا ہدف فاتح ٹیم نے 19 اوورز میں 5 وکٹوں کے نقصان پر حاصل کرلیا۔
قذافی اسٹیڈیم میں کھیلے گئے میچ میں لاہور قلندرز نے ٹاس جیت کر فیلڈنگ کا فیصلہ کیا اور ملتان سلطانز نے پہلے بیٹنگ کرتے ہوئے مقررہ 20 اوورز میں 3 وکٹوں کے نقصان پر 185 رنز بنائے۔
سلطانز کی جانب سے کپتان محمد رضوان نے شاندار 76 رنز کی اننگ کھیلی جبکہ کامران غلام 52 رنز بنا کر ناقابل شکست رہے۔
لاہور قلندرز کے بولرز میں ٹام کرن، حارث رؤف اور ڈیرل مچل نے ایک، ایک وکٹ حاصل کی۔
جواب میں لاہور قلندرز نے گیا 186 رنز کا ہدف 19 اوورز میں 5 وکٹوں کے نقصان پر حاصل کرلیا۔
لاہور کی جانب سے ڈیرل مچل نے 64 رنز کی اننگ کھیلی جبکہ سکندر رضا نے ناقابل شکست 40 اور عبداللہ شفیق نے 34 رنز بنائے۔
سلطانز کی جانب سے عبید شاہ نے دو کھلاڑیوں کو پویلین کی راہ دکھائی۔
