گرفتار ٹک ٹاکر کاشف ضمیر کا سابقہ کرائم ریکارڈ بھی سامنے آگیا، کاشف ضمیر کیخلاف بھتہ خوری اور پیکا ایکٹ کے تحت بھی مقدمات درج ہیں۔
لاہور میں پولیس کی ساکھ کو متاثر کرنے کے الزام میں گرفتار ٹک ٹاکر کاشف ضمیر کا سابقہ کرائم ریکارڈ بھی سامنے آگیا۔ کاشف ضمیر کیخلاف لاہور اور سیالکوٹ کے متعدد تھانوں میں سنگین نوعیت مقدمات درج ہیں ۔
رپورٹ کے مطابق ٹک ٹاکر کاشف ضمیر کیخلاف بھتہ مانگنے، حکومت پاکستان کی ساکھ کو نقصان پہنچانے اور پیکا ایکٹ کے تحت بھی مقدمات درج ہیں۔
کاشف ضمیر کیخلاف نوسر بازی، چیک ڈس آنر، فراڈ، ناجائز اسلحہ، امانت میں خیانت اور جعل سازی کی دفعات سمیت دیگر الزامات میں ایک درجن سے زائد مقدامت درج ہیں۔
رپورٹ کے مطابق ٹک ٹاکر کاشف ضمیر ماضی میں کئی بار گرفتار ہوچکا ہے، پیکا ایکٹ مقدمے میں کاشف ضمیر کو مری سے گرفتار گیا تھا جبکہ تاحال کاشف ضمیر پولیس کے پاس دو روزہ جسمانی ریمانڈ پر ہے۔
