بلوچستان میں ٹرین سروس کے دوران ڈیوٹی سے غیر حاضری پر 15 لیویز اہلکار معطل کردیا گیا۔
لیویز اہلکاروں کو ڈسپلنری رول2015کے تحت معطل کیا گیا، ڈی جی لیویز کے مطابق ٹرینوں کی سیکیورٹی ڈیوٹی پر مامور اہلکار بغیر بتائے غیر حاضر تھے۔
لیویز اہلکار کوئٹہ سے جعفرآباد تک سیکورٹی ڈیوٹی پرتعینات تھے۔ معطل لیویز اہلکاروں کا تعلق سبی، سوراب، خضدار، کیچ اور پنجگورسے ہے۔
حکم نامے میں متعلقہ اداروں کو ہدایت کی گئی ہے کہ ان اہلکاروں کی تنخواہیں فوری طور پر بند کی جائیں اور انہیں کسی بھی سرکاری سروس میں دوبارہ شامل نہ کیا جائے۔
