جماعت اسلامی کے غزہ یکجہتی مارچ کا مقام تبدیل کردیا گیا۔ اب مارچ اور جلسہ آبپارہ کے بجائے اسلام آباد ایکسپرس وے پر ہوگا۔ شرکا کو زیرو پوائنٹ سے فیض آباد کے درمیان پہنچنے کی ہدایت کردی۔
تفصیلات کے مطابق وفاقی وزراء اور جماعت اسلامی کے رہنماؤں کے درمیان رابطوں کے بعد جماعت اسلامی کے غزہ یکجہتی مارچ کا مقام تبدیل کردیا گیا۔ اب مارچ اور جلسہ آبپارہ کے بجائے اسلام آباد ایکسپرس وے پر ہوگا۔ انتظامیہ نے اجازت دے دی۔
دوسری جانب مارچ کے پیش نظر ریڈ زون سیل، داخلی، خارجی راستوں پر خاردار تاریں اور بیریرز لگا دیے گیے۔ چیکنگ اور گشت کو بڑھا دیا گیا ۔ اضافی نفری تعینات ہے۔
قبل ازین وزیر داخلہ اور وزیر مملکت داخلہ کا رہنما جماعت اسلامی لیاقت بلوچ سے رابطہ کیا، دونوں حکومتی ذمہ داران کی اسلام آباد میں یکجتی فلسطین مارچ سے متعلق بات چیت کی۔
لیاقت بلوچ نے کہا کہ حکومت کو فلسطینیوں سے اظہاریکجتی مارچ کوروکنے کا کوئی حق نہیں، جماعت اسلامی کا فلسطین سے اظہار یکجتی مارچ پرامن ہوگا۔ حکومت رکاوٹیں کھڑی کرکے پوری دنیا میں رسوا نہ ہو، حکومت آج اسلام آباد میں یکجہتی فلسطین ریلی روکنے سے اجتناب کرے۔ فلسطین سے اظہار یکجتی کیلئے کوئی نوگوایریا نہ بنایا جائے۔
واضح رہے کہ جماعت اسلامی نے اسرائیل کی جانب سے مظلوم فلسطینیوں وحشیانہ بربریت اور قتل عام کیخلاف 20 اپریل کو اسلام آباد میں غزہ مارچ کا اعلان کیا تھا۔ حافظ نعیم الرحمان نے کہا تھا کہ غزہ سے اظہار یکجہتی اور اسرائیلی مظالم کے خلاف 26 اپریل کو تاریخی ہڑتال ہوگی۔
