آٹے کی قیمت میں کمی کے بعد کراچی میں نان اور چپاتی کی قیمتیں مقرر کردی گئیں، شہر بھر میں لاگو ہوں گی، نوٹیفکیشن جاری کردیا گیا۔
کمشنر کراچی حسن نقوی کے حکم پر شہر قائد میں نان اور چپاتی کی قیمتیں مقرر کردی گئیں، جن کا اطلاق فوری طور پر ہوگا، نوٹیفکیشن بھی جاری کردیا گیا، تندور مالکان کو نرخ نامہ نمایاں جگہ آویزاں کرنے کی ہدایت کی گئی ہے۔
کمشنر کراچی حسن نقوی کے حکم پر جاری نوٹیفکیشن کے مطابق شہر بھر میں چپاتی 100 گرام 10 روپے میں فروخت کی جائے گی، 120 گرام نان 15 روپے میں فروخت ہوگا۔
کمشنر کراچی کا کہنا ہے کہ قیمت بڑھانے پر سخت کارروائی عمل میں لائی جائے، شہری شکایت درج کرائیں، خلاف ورزی ہرگز برداشت نہیں کی جائے گی۔
نوٹیفکیشن کے مطابق 150 گرام نان کی قیمت 17 روپے مقرر کی گئی ہے جبکہ 180 گرام نان 22 روپے میں فروخت ہوگا۔
کمشنر کراچی کا کہنا ہے کہ سرکاری نرخ سے تجاوز کرنا قابل سزا جرم ہے، نرخ نامہ ہر دکان پر لازمی آویزاں کیا جائے، خلاف ورزی پر فوری ایکشن لیا جائے گا۔
کمشنر کراچی نے مزید کہا کہ نان چپاتی نرخ مانیٹرنگ کیلئے کنٹرول روم قائم ہے، شہری شکایت کیلئے 99203443۔021 پر فوری رابطہ کریں۔
واضح رہے کہ شہر بھر میں آٹے کی قیمت میں 10 سے 17 روپے فی کلو کمی کی گئی تھی، جس کا نوٹیفکیشن بھی جاری کردیا گیا ہے۔
