بجلی صارفین کو ایک اور بڑا ریلیف دینے کی تیاری کرلی گئی۔ صارفین کو 51 ارب 49 کروڑ روپے کا ریلیف دینے کیلئے نیپرا میں درخواست دائر کردی گئی۔
بجلی تقسیم کار کمپنیوں نے تیسری سہ ماہی ایڈجسٹمنٹ کی مد میں درخواست جمع کرائی۔ نیشنل الیکٹرک پاورریگولیٹری اتھارٹی 29 اپریل کو سماعت کرے گی۔
صارفین کو کیپسٹی پیمنٹس میں کمی کی مد میں47ارب 12 کروڑ روپےکا ریلیف دیا جائے گا، ٹرانسمیشن اور ڈسٹری بیوشن نقصانات میں کمی کا 2 ارب 4 کروڑ روپے کا فائدہ بھی صارفین کو ملے گا۔
ریلیف میں مین یوز آف سسٹم چارجز اور مارکیٹنگ فیس کے ایک ارب 80 کروڑ روپے بھی شامل ہیں جبکہ ریکوری آف فکسڈ کاسٹ کی مد میں صارفین کو 17کروڑ روپے کا فائدہ ملے گا۔
رواں مالی سال کی دوسری سہ ماہی میں صارفین کو 56 ارب 38 کروڑ روپے کا ریلیف دیا گیا تھا، دوسری سہ ماہی کے ریلیف کی مد میں بجلی فی یونٹ 1 روپے 90 پیسے سستی کی گئی تھی۔
مارچ کی فیول ایڈجسٹمنٹ کی مد میں بھی بجلی 3پیسے سستی کرنے کی درخواست نیپرا میں جمع کرائی گئی ہے، نیپرا دونوں درخواستوں پر 29اپریل کو سماعت کرے گی۔
