ڈیرہ اسماعیل خان میں علماء کرام و مشائخ کا پاک فوج کے تعاون سے گرینڈ امن جرگے کا انعقاد کیا گیا۔ اس موقع پر علمائے کرام نےامن کے قیام اور فتتہ الخوارج کے خاتمے کیلئے پاک فوج کا مکمل ساتھ دینے کا اعلان کیا۔
شرکاء نے پاک فوج، سیکیورٹی فورسز اور شہداء کی لازوال قربانیوں کو زبردست خراج تحسین پیش کیا۔ شرکاء نے متفقہ طور پر فتنہ الخوارج اور شر پسند عناصر کی روک تھام اور اس سلسلے میں حکام کے ساتھ مکمل تعاون کی بھی یقین دہانی کرائی۔
جرگے میں جنرل آفیسر کمانڈنگ، میجر جنرل نیک نام نے بطور مہمان خصوصی جرگہ میں شرکت کی۔ علماء اور مشائخ کرام نے علاقے میں تعلیم و صحت خصوصاً بچیوں کی تعلیم کے حوالے سے کی جانے والی کاوشوں پر پاک فوج کا شکریہ ادا کیا۔
شرکاء نے متفقہ طور پر فتتہ الخوارج اور شر پسند عناصر کی روک تھام اور اس سلسلے میں حکام کے ساتھ مکمل تعاون کی بھی یقین دہانی کرائی۔
علاقہ عمائدین کا کہنا تھا کہ علاقے میں فتنہ الخوارج کی وجہ سے بدامنی کی صورتحال ہے جس کی ہم بھرپور مذمت کرتے ہیں اور پاک فوج کی امن و امان کے قیام کیلئے کی جانے والی کاوشوں کی حمایت کرتے ہیں۔
