ایس آئی ایف سی کے تعاون اور حکومتی کاوشوں کے باعث پاکستان منرلز انویسٹمنٹ فورم 2025 کا کامیاب انعقاد ہوا، منرلز انویسٹمنٹ فورم 2025ء میں عالمی اور مقامی سرمایہ کاروں نے بھرپور شرکت کی اور معدنی شعبے کے فروغ کیلئے شرکاء نے مثبت اظہارِ خیال کیا۔
سعودی جیولوجیکل سروے کے سی ای او عبداللہ الشرمانی نے پاکستان منرلز انویسٹمنٹ فورم 2025ء میں شرکت پر خوشی کا اظہار کیا۔ انہوں نے کہا کہ پاکستان منرلز انویسٹمنٹ فورم صرف پاکستان کے معدنی شعبے کیلئے نہیں بلکہ پوری دنیا کیلئے فائدہ مند ثابت ہوگا۔
کامران راجہ نے کہا کہ منرلز انویسٹمنٹ فورم سے پاکستان کو خاطرخواہ فائدہ ہوگا، ایسے ایونٹس سرمایہ کاروں کا اعتماد بڑھاتے ہیں، عالمی سرمایہ کاروں کی حوصلہ افزائی سے پاکستان میں سرمایہ کاری کو فروغ ملے گا۔
چیئرمین مائنز اینڈ منرلز کمیٹی راجہ نوید اختر نے فورم سے خطاب میں کہا کہ حکومت کا معدنی شعبے کی ترقی کیلئے منرلز انویسٹمنٹ فورم کی صورت میں کیا جانے والا یہ عملی اقدام خوش آئند ہے، ایس آئی ایف سی کی معاونت سے حکومت کے معدنی شعبے کی خوشحالی و ترقی کیلئے کیے جانے والے اقدامات قابل تحسین ہیں۔
