پاکستان سپر لیگ سیزن 10 کے آغاز میں تین دن باقی ہیں جس کا فینز بے صبری سے انتظار کر رہے ہیں تاہم اب ایک اور خوشخبری یہ ہے کہ صائم ایوب بھی ٹورنامنٹ کھیلنے کیلئے فٹ ہو گئے ہیں ۔
تفصیلات کے مطابق پاکستان کرکٹ بورڈ کے میڈیکل پینل نے صائم ایوب کو پی ایس ایل کھیلنے کیلئے فٹ قرار دیدیا ہے ، صائم ایوب آج پشاور زلمی کو جوائن کر لیں گے جبکہ بیشتر کھلاڑی پشاور زلمی مینجمنٹ کو رپورٹ کر چکے ہیں ۔
پشاور زلمی کے کھلاڑی اسلام آباد کلب میں پہلا پریکٹس سیشن کریں گے جبکہ بابر اعظم نیوزی لینڈ سے واپسی پر ٹیم میں شامل ہوں گے۔
واضح رہے کہ صائم ایوب ٹخنے کی انجری کے باعث قومی ٹیم سے باہر تھے تاہم لندن میں اپنا ری ہیب مکمل کرنے کے بعد انہوں نے عید کراچی میں اپنی فیملی کے ساتھ منائی۔پاکستان سپر لیگ ایڈیشن 10 کے میچز 11 اپریل سے 18 مئی تک کراچی، لاہور، ملتان اور راولپنڈی میں شیڈول ہیں۔
