جنوبی وزیرستان کے رستم بازار وانا میں کڑیکوٹ روڈ پر سڑک کنارے بارودی مواد کا دھماکہ ہوا ہے۔
پولیس ذرائع کے مطابق ابتدائی معلومات کے مطابق دھماکے کے نتیجے میں تین افراد زخمی ہوگئے ہیں اور زخمیوں کو ڈی ایچ کیو اسپتال وانا منتقل کردیا گیا ہے۔
ایم ایس ڈاکٹر جان محمد کا کہنا تھا کہ زخمیوں میں ایک کی حالت تشویشناک ہے۔
پولیس ذرائع نے بتایا کہ واقعے کی تحقیقات شروع کردی گئی ہے۔
عینی شاہدین کےمطابق دھماکے کی آواز دور تک سنی گئی اور دھماکے سے نورگئ توجئے خیل کی فیلڈر گاڑی اور قریب ٹرانسفارمر بری طرح متاثر ہوئے۔
