کراچی کے جناح اسپتال میں منکی پاکس کا مشتبہ کیس سامنے آگیا، مریض کا تعلق شاہ لطیف ٹاؤن کراچی سے ہے، محکمہ صحت سندھ نے مشتبہ کیس کی تصدیق کردی۔
اسپتال ذرائع کے مطابق پہلے مریض کی اہلیہ میں علامات ظاہر ہوئیں، پھر مریض متاثر ہوا، مریض کو ٹیسٹ کے نتائج آنے تک آئسولیشن وارڈ میں رکھا گیا ہے، جس کی عمر 28 سال اور تعلق شاہ لطیف ٹاؤن کراچی سے ہے۔
محکمہ صحت سندھ کے مطابق مریض کے سیمپلز نجی اسپتال بھیج دیئے گئے ہیں، ٹیسٹ نتائج کا انتظار ہے۔
