وفاقی کابینہ اراکین کی تنخواہوں اور الاؤنسز میں اضافہ کردیا گیا۔ وفاقی وزراء، وزرائے مملکت اور مشیران کی تنخواہوں میں 188 فیصد تک اضافہ کیا گیا ہے۔ وفاقی وزراء نے اپنی اور وزرائے مملکت کی تنخواہوں میں اضافے کی سمری منظور کرلی، سرکولیشن کے ذریعے سمری کی منظوری دی گئی۔
وفاقی کابینہ اراکین کی تنخواہوں اور الاؤنسز میں اضافہ کردیا گیا، وفاقی وزراء، وزرائے مملکت اور مشیران کی تنخواہوں میں 188 فیصد تک اضافہ کیا گیا ہے۔
ذرائع کے مطابق وفاقی وزراء نے اپنی اور وزرائے مملکت کی تنخواہوں میں اضافے کی سمری منظور کرلی، وفاقی وزراء اور وزرائے مملکت کے الاؤنس اور تنخواہوں کے ایکٹ 1975ء میں ترمیم منظور کی گئی ہے۔
ذرائع کا کہنا ہے کہ نئے بل کی منظوری کے بعد وفاقی وزیر، وزیر مملکت اور مشیر کی تنخواہ 5 لاکھ 19 ہزار روپے ہوگی، اس سے پہلے وفاقی وزیر کی تنخواہ 2 لاکھ اور وزیر مملکت کی ایک لاکھ 80 ہزار روپے تھی۔
ذرائع کے مطابق وفاقی وزیر کی تنخواہ میں 159 فیصد جبکہ وزیر مملکت اور مشیران کی تنخواہوں میں 188 فیصد تک اضافہ منظور کیا گیا ہے۔
وفاقی کابینہ نے سرکولیشن کے ذریعے سمری کی منظوری دے دی۔
