محکمہ موسمیات نے ملک بھر میں آج سے بارشوں کا نیا سلسلہ شروع ہونے کی پیشگوئی کر دی۔
محکمہ موسمیات کے مطابق مغربی ہواؤں کا سلسلہ آج اتوار سے شمالی علاقوں میں داخل ہو گا اور 16 مارچ تک برقرار رہے گا۔
موسمیات نے 9 سے 16 مارچ کے دوران اسلام آباد، راولپنڈی ، چترال، مری، گلگت بلتستان اور کشمیر میں بارشوں کا امکان ظاہر کیا ہے۔
محکمہ موسمیات کے مطابق 12 سے 16 مارچ کے دوران پنجاب کے بیشتر شہروں میں بارش اور 14 اور 15 مارچ کو بلوچستان کے علاقوں میں گرج چمک کے ساتھ بارشوں کا امکان ہے۔
اسلام آباد ، لاہور، پشاور، کوئٹہ اور دیگر شہروں میں اربن فلڈنگ کا خدشہ ظاہر کیا گیا ہے جبکہ بالائی علاقوں میں شدید برفباری سے سڑکیں بند ہونے کا امکان ہے۔
آج شام سے شام سے 16 مارچ تک شمالی علاقہ جات چترال، دیر، سوات، ایبٹ آباد، مری گلیات، گلگت بلتستان اور کشمیر میں بارش اور برفباری کا امکان ہے۔
محکمہ موسمیات کے مطابق 10 مارچ کو اسلام آباد، راولپنڈی ڈویژن کے بعض مقامات، لاہور، گوجرانوالہ، سرگودھا، سیالکوٹ اور فیصل آباد میں گرج چمک کے ساتھ درمیانی اور بعض مقامات پر موسلا دھار بارش کی پیش گوئی کی گئی ہے۔ 12 سے 16 مارچ کو بھی تک ان شہروں میں بارش کا امکان ہے۔ 14 اور 15 مارچ کو کوئٹہ، زیارت، چمن، ڈیرہ غازی خان، راجن پور، اوکاڑہ، بھکر اور ملتان ڈویژن میں بارش کی پیش گوئی ہے۔
محکمہ موسمیات کے مطابق مری گلیات سمیت شمالی علاقوں میں بارش اور برفباری کے باعث ٹریفک کی روانی میں خلل کا خدشہ ہے، جبکہ کشمیر، گلگت بلتستان اور خیبرپختونخوا کے علاقوں میں لینڈ سلائڈنگ اور برفانی تودے گرنے کا خطرہ ہے۔ اور ان علاقوں میں جانے والے افراد کو احتیاطی تدابیر اختیار کرنے کی ہدایت کی گئی ہے۔ بالائی پنجاب، بالائی خیبرپختونخوا اور اسلام آباد میں ژالہ باری کی بھی توقع ہے۔
