ایف آئی اے کارپوریٹ کرائم سرکل نے اداکارہ نادیہ حسین کے گھر چھاپہ مار کر ان کے شوہر عاطف خان کو گرفتار کرلیا۔ حکام نے عاکف حسین کو کسٹم کورٹ میں پیش کردیا، عدالت نے ملزم کا 4 روزہ ریمانڈ منظور کرلیا۔
ایف آئی اے کارپوریٹ کرائم سرکل نے اداکارہ نادیہ حسین کے گھر چھاپہ مارکر شوہر عاطف خان کو گرفتار کرلیا ہے۔
ایف آئی اے کے مطابق ملزم پر نجی بینک کے 53.9 کروڑ روپے فراڈ کا الزام ہے، ملزم نے 80 ملین کے کمپنی فنڈز کو ذاتی ٹریڈنگ کیلئے استعمال کیا۔
بینک کے بورڈ آف ڈائریکٹرز کی شکایت پر تحقیقات کے بعد عاطف خان کو گرفتار کیا گیا، ملزم مبینہ کارپوریٹ فنانشل فراڈ کے ذریعے کمپنی فنڈز کی خورد برد میں ملوث ہے۔
ایف آئی اے کے مطابق ملزم نے تھرڈ پارٹی کے 53.9 کروڑ غیرقانونی طور پر ایکوائر کئے، کمپنی فنڈز سے انہیں ہائی مارک اپ کے ساتھ ادائیگی کی گئی۔
دوسری جانب 54 کروڑ روپے مالیاتی فراڈ کیس میں معروف اداکارہ نادیہ حسین کے شوہر کو عدالت میں پیش کردیا گیا، کسٹم کورٹ نے ملزم عاکف حسین کا 4 دن کا جسمانی ریمانڈ منظور کرلیا۔
