نیپال میں یکے بعد دیگرے زلزلے کے دو جھٹکے محسوس کئے گئے، دونوں زلزلے الگ الگ علاقوں میں رپورٹ ہوئے، جن کی شدت 4 اور 4.1 تھی۔
ہفتے کی صبح نیپال کے زلزلے کی پیمائش کرنیوالے مرکز نے دو الگ الگ علاقوں میں ہلکی شدت کے دو جھٹکے محسوس کیے ہیں، تاہم زلزلے سے کسی قسم کے نقصان کی فوری طور پر کوئی اطلاع نہیں ہے۔
قومی زلزلہ نگرانی مرکز نے بتایا کہ ریکٹر اسکیل پر 4.1 شدت کا زلزلہ صبح 6 بج کر 20 منٹ پر کھٹمنڈو سے تقریباً 300 کلومیٹر دور باگلونگ ضلع میں آیا، زلزلے کا مرکز ضلع کا خخانی علاقہ تھا۔
اس سے پہلے، مرکز نے اطلاع دی تھی کہ صبح 3 بج کر 14 منٹ پر باگلونگ سے تقریباً 40 کلومیٹر دور میاگدی ضلع میں بھی 4 شدت کا زلزلہ ریکارڈ کیا گیا تھا۔
