وزیراعلیٰ پنجاب مریم نوازکا ایک اور تاریخی اقدام سامنے آیا ہے،جہاں پنجاب حکومت کی جانب سے ملکی تاریخ میں پہلی مرتبہ دیہی خواتین کے لئے اسپیشل بسیں چلانے کا فیصلہ کیا گیا ہے۔
پنجاب حکومت کی جانب سے ہردیہی تحصیل سےڈسٹرکٹ ہیڈکوارٹر تک بس سروس شروع کرنے پر اتفاق کیا گیا ہے،وزیراعلیٰ پنجاب مریم نوازنےانٹرویلج ٹرانسپورٹ پلان بھی طلب کرلیا،دوردراز اضلاع میں مرحلہ وار25بسوں پر مشتمل ماس ٹرانزٹ سسٹم شروع کرنےکی تجویز کا جائزہ لیا گیا۔
وزیراعلیٰ نے دیہی خواتین کی ٹرانسپورٹیشن کے لئے جامع پلان طلب کر لیا،ماس ٹرانزٹ سسٹم میں خواتین مسافروں کیلئے سبسڈی دینے کیلئے فوری اقدامات کی ہدایت کی گئی،وزیراعلیٰ کی ہدایت پر پنجاب کا پہلا ویمن ٹرانسپورٹ سیلوشن پلان تیار کیا جائے گا۔
اس موقع پر وزیراعلی پنجاب مریم نوازکاکہناتھا کہ جدید ٹرانسپورٹ سسٹم دیہات میں رہنے والی خواتین کا بھی حق ہے،دیہی خواتین کےلئےٹرانسپورٹ کا نظام نہ ہونا انتہائی تکلیف دہ ہےجدید ٹرانسپورٹ سسٹم کی فراہمی سےدیہی خواتین کا اعتماد بڑھےگا،طالبات اورمریض خواتین کوآمد ورفت میں آسانی ہوگی،دیہی خواتین کو پبلک ٹرانسپورٹ میں تکلیف دہ حالات میں سفرکرتے دیکھ کر انتہائی دکھ ہوتا ہے۔
