ملک میں ہفتہ وار بنیادوں 15 اشیا کی قیمتوں میں کمی جبکہ 13 کی قیمتوں میں اضافہ ہوگیا۔
ادارہ شماریات کے مطابق ملک میں ہفتہ وارمہنگائی کی شرح میں 0.04 فیصد کی معمولی کمی ریکارڈ کی گئی۔ ہفتہ وار بنیادوں پر مہنگائی کی سالانہ شرح 0.98 فیصد کی سطح پر آگئی۔
رپورٹ کے مطابق گذشتہ ہفتے کے دوران 13 اشیا کی قیمتوں میں اضافہ ریکارڈ کیا گیا،15 اشیا کی قیمتوں میں کمی اور 23 کی قیمتوں میں استحکام رہا۔
ادارہ شماریات کے مطابق ایک ہفتے میں کیلے فی درجن 13 روپے مہنگے ہوئے، چکن 15روپے، انڈے 6 روپے، لہسن 10 روپےچینی 1 روپیہ، مٹن 9 روپے کلو مہنگا ہوگیا۔
ایک ہفتے کے دوران ٹماٹر 5 روپے سستے ہوئے، پیاز 3 روپے ، دال چنا اور دال مونگ 6 ، 6 روپے فی کلو سستی ہوئیں۔
