مقبوضہ کشمیر میں بھارتی مظالم کے خلاف پاکستان سمیت دنیا بھر میں یوم یکجہتی کشمیر 5 فروری کو منایا جائے گا
اس دن کامقصد کشمیری عوام کے ساتھ حق خود ارادیت کیلئے یکجہتی اور عالمی برداری کی توجہ بھارتی مظالم کی جانب متوجہ کروانا ہے،یوم یکجہتی کشمیر کی اہمیت کواجاگر کرنے کا مقصد آنے والی نسلوں پر بھارت کا مکروہ کردار اور چہرہ بے نقاب کرنا ہے
بھارت 5 اگست 2019ء میں مقبوضہ کشمیر کی خصوصی حیثیت ختم کرنے کے باوجود جذبہ آزادی کو دبانے میں ناکام رہا ہے،بھارت نے ہمیشہ مظلوم کشمیریوں کی آزادی کی جدوجہد کو دہشتگردی سے جوڑنے کی ناکام کوشش کی ہے
کچھ روز قبل بھارتی آرمی چیف جنرل دویدی نے بے بنیاد دعویٰ کرتے ہوئے کہا تھا کہ”کشمیر میں 2024ء کے دوران مارے گئے عسکریت پسندوں میں سے 60 فیصد پاکستانی تھے جبکہ اس وقت بھی سرگرم عسکریت پسند 80 فیصد پاکستانی ہیں“۔
انڈین فوج کے سربراہ کے مطابق لائن آف کنٹرول پر موثر جنگ بندی کے باوجود مسلح عسکریت پسندوں کی دراندازی کا سلسلہ جاری ہے اور دہشت گردی کا بنیادی ڈھانچہ اب بھی موجود ہے۔
بھارتی آرمی چیف کےبےبنیاد الزامات کے جواب میں پاک فوج نے منہ توڑ جواب دیتے ہوئے کہا تھا کہ;
بھارتی آرمی چیف کا پاکستان کو دہشتگردی کا مرکز قرار دینا حقائق کے قطعی منافی ہے
پاک فوج نے بھارتی آرمی چیف کے الزامات پر سخت اور دو ٹوک موقف اختیار کیا
پاک فوج کا موقف واضح ہےکہ"بھارتی آرمی چیف مقبوضہ کشمیرمیں بدترین ظلم و ستم کا مظاہرہ کرچکے ہیں"۔
بھارتی آرمی چیف کےبیانات دراصل مقبوضہ کشمیر میں جاری بربریت سے توجہ ہٹانے کی ناکام کوشش ہے،مقبوضہ کشمیر پر آرمی چیف جنرل سید عاصم منیر کا موقف واضح اور دو ٹوک ہے،"بھارت غیر انونی انتظامی اور یک طرفہ طور پر نافذ کردہ کالے قوانین سے کشمیر کی آبادی کا تناسب تبدیل کرنے کی کوشش کر رہا ہے"
اس طرح کی سازشیں کشمیری عوام کی اپنےجائزمقاصد کے حصول کی خواہش کو دبا نہیں سکتی، ریاست پاکستان نے ہمیشہ مظلوم کشمیریوں پر ہونے والے انسانیت سوز مظالم پر دنیا کے ہر فورم پر موثر آواز اٹھائی ہے،
5 فروری یوم یکجہتی کشمیر ایک دن ہی نہیں بلکہ ایک عہد ہے جو پاکستانی عوام نے کشمیریوں کے ساتھ کر رکھا ہے،بھارتی فوج مقبوضہ کشمیر میں تمام تر انسانیت سوز مظالم کے باوجود کشمیریوں کے جذبہ آزادی کو دبانے میں ناکام ہے،پاکستان ہمیشہ مظلوم کشمیریوں کی اخلاقی اور سفارتی حمایت دنیا کے ہر فورم پر جاری رکھے گا
پاکستان کے عوام اور پاک فوج مظلوم کشمیری بہن بھائیوں کے ساتھ کھڑے ہیں اور ان کی سفارتی اور اخلاقی مدد جاری رکھیں گے
